Hannes Hólmsteinn segir að Lilja þurfi að læra á andstreymi

Hannes Hólmsteinn Gissurarson, prófessor við Háskóla Íslands, segir í færslu á Facebook í gærkvöldi að Lilja Alfreðsdóttir þurfi að læra að kippa sér ekki upp við andstreymi. Sjáðu færslu Hannesar hér að neðan.

Sjá einnig: Sjáðu magnað viðtal við Lilju Alfreðsdóttur: „Þeir eru ofbeldismenn“

„Lilja er mjög frambærilegur stjórnmálamaður. En hún þarf að læra að kippa sér ekki upp við andstreymi. Ólafur Thors orðaði þetta vel: Ég er kominn með sigg á sálinni. Stjórnmálamenn þurfa að vera með sigg á sálinni. Og þeir þurfa, eins og Ólafur sagði líka, að læra að kvíða ekki fyrir og sjá ekki eftir,“skrifar Hannes.

Lilja Dögg kom fram í Kastljósi í gær þar sem hún sagði Sigmund Davíð Gunnlaugsson, Gunnar Braga Sveinsson og Bergþór Ólason vera ofbeldismenn sem ekki ættu að hafa dagskrárvald í íslensku samfélagi. 

Færsla Hannesar