Stefnumót Manuelu og Snorra Björns hefur verið á allra vörum á samfélagsmiðlum undanfarin sólarhring. Þau fóru út að borða á Sushi Samba og á meðan hélt kassamerkið #snorruela utan um mikla umræðu um þessa sögu sem hófst þegar Manuela tísti um Snorra á Twitter.
Sjá einnig: Sjóðandi heita stefnumótið sem allir bíða eftir, Snorri Björns og Manuela Ósk í beinni á Snapchat
Snorri birti stórkostlega frásögn frá stefnumótinu á Snapchat og það mætti segja að það hafi verið í beinni útsendingu. Þar er hann með notendanafnið snorribjorns en hún með manuelaosk. Þau ræddu svo bæði um stefnumótið í sitthvoru lagi í útvarpsþættinum Brennslunni á FM957 í morgun og virtust bæði sátt við sitt.
Okkur tókst að næla í Snapchat-sögu Snorra frá stefnumótinu. Hér er hún í fullri lengd en hann lagði sig allan fram, fór í kjólföt, förðun og keypti rós. Hann fékk að launum rembingskoss á kinn undir lokin.