Hildur Lilliendahl Viggósdóttir, sem starfar hjá Reykjavíkurborg, hefur stefnt lækninum Eyþóri Jónssyni til siðanefndar Læknafélags Íslands eftir að þeim lenti saman í Facebook-hópnum „Stafsetningarperrinn.“ Nútíminn hefur kæruna undir höndum en þar segir Hildur að tjáning Eyþórs hafi verið með þeim hætti að hún „óskar eftir að siðanefnd taki til skoðunar hvort hún teljist brot á siðareglum lækna.“
„Nú er ég sjálfur hommi og skora því fleiri „minority“ stig en þú“
Samkvæmt skjáskotum af samtalinu sem átti sér stað á Facebook virðist Eyþór hafa átt í samræðum við annan mann þegar Hildur blandar sér í málið með því að segja „Kæri Eyþór, hver særði þig?“ Hún segir Eyþór hafa brugðist við þessum ummælum sínum á þann hátt sem gerir það að verkum að hún sjái sér ekki annað fært en að bera málið undir siðanefnd.
„Kæra Hildur, hver gaf þér þennan auka litning sem þú þarft að burðast með allt lífið?“ svarar Eyþór henni og er hvergi nærri hættur.
Úrkynjuð apína með skoðanir 6 ára barns
„Þú gerir nú konum engan greiða með því að vera ein þeirra…þær sem ég þekki allavega downplaya líkindi sín með þér og biðjast afsökunar á framferði þínu… og karlahatri… það vill engin kannast við þig Hildur og sjálfur skammast ég mín fyrir að við skulum deila þjóðerni,“ skrifar Eyþór og bætir við að tilvist hennar sé svo sannarlega ekki kvenþjóðinni til framdráttar.
„Tilvist þín er svo sannarlega ekki kvenþjóðinni… já eða bara þjóðinni yfir höfuð… til nokkurs framdráttar… Þú ert úrkynjuð apína með skoðanir sex ára barns… og skammastu þín fyrir þína framgöngu í fjöl- og samfélagsmiðlum síðustu áratugi!! Skammastu þín bara þú hatursnorn!! Þú ert ekki eins ljót og þú heldur og þarft ekki að vera svona bitur!!“
„En ef ég þekki þig rétt þá muntu í fyrsta lagi telja þetta rökræður… og í öðru lagi telja þig hafa unnið þær! Það er fólk eins og þú sem gerir samfélagsmiðla skaðlega…. blöðin hefðu aldrei birt orð eftir jafn lágkúrulega tussu eins og þig… þú þrífst á Fb!“
Hildur, sem hefur tekið þátt í ófáum rifrildum á samfélagsmiðlum, svarar Eyþóri með kaldhæðni.
„Jahá. Ef karlar eru ánægðir með þig sem málsvara, þá er greinilega gríðarlega mikið spunnið í þá og full ástæða fyrir mig til að vinda mér í að hætta að hata þá.“
Það má eiginlega segja að skrattinn hafi hitt ömmu sína og af samræðunum má dæma að Hildur hafi ekki verið hátt skrifuð hjá Eyþóri sem heldur áfram að skrifa til Hildar.
„Nú er ég sjálfur hommi og skora því fleiri „minority“ stig en þú… samkvæmt þínum og þinna skilgreiningu… en karlahatur þitt vekur mér slíkan viðbjóð að ég get án þess að hafa nokkra hagsmuni gagnvart kvenþjóðinni sagt… Að þú ert viðbjóðslegt eintak af þessari tegund… Guði sé lof að ekki eru allar eða nándar nærri því flestar konur í nokkru líkar þér og þínu hatri!!“
Hildur hvetur Eyþór til þess að halda áfram að tjá sig.
Kærði tveimur dögum eftir orðaskiptin
„Ekki halda aftur af þér, elsku vinur. Segðu okkur endilega hvað þér finnst.“
Eyþór hefur greinilega enga hvatningu þurft því hann skrifar þrjár færslur að endingu og beinir þeim til Hildar sem tók svo skjáskot af öllu saman og sendi á siðanefndina.
„Ég hef sagt öll þau orð sem þú verðskuldar… þú ert slíkur mannsori að þú verðskuldar ekki það sem að ofan er sagt… Á þig skyldi enginn eyða orðum sínum þú ómerkilega mannslíki saurugrar nornar!!“ skrifar Eyþór og bætir svo við.
„En ef ég þekki þig rétt þá muntu í fyrsta lagi telja þetta rökræður… og í öðru lagi telja þig hafa unnið þær! Það er fólk eins og þú sem gerir samfélagsmiðla skaðlega…. blöðin hefðu aldrei birt orð eftir jafn lágkúrulega tussu eins og þig… þú þrífst á Fb!“
„Þá leikur enginn vafi á því að Eyþór Jónsson olli mér skaða með allri þeirri hegðun sem í þessu erindi er lýst.“
„Og vittu að ég meina hvert orð sem ég segi… ef ég fengi þær fréttir að Hildur Lilliendahl væri dauð þá myndi ég fagna… vittu það að ég meina það sem ég segi!!!“
Umrædd orðaskipti eiga sér stað laugardaginn 21. janúar en strax á mánudeginum hefur Hildur verið tilbúin með kæru til siðanefndar en hún er dagsett 23. janúar. Í kærunni kemur fram að Hildur telur að Eyþór hafi brotið fjölmargar siðareglur og segist sérstaklega vilja vekja athygli nefndarinnar á fyrstu athugasemd Eyþórs.
„Að reyna að niðurlægja fólk á með því að að greina það með downs heilkenni á internetinu er hegðun sem engum lækni ætti að líðast, utan þess að brjóta gegn VII. meginreglu siðareglna,“ skrifar Hildur í kæruna en hún heldur því fram að Eyþór hafi ollið sér skaða með skrifunum.
„Að segjast myndu fagna dauða ókunnugrar manneskju sýnir virðingarleysi fyrir lífi, velferð og mannhelgi og brýtur að mínu mati gegn öllum hornsteinum og anda siðareglnanna. Þá leikur enginn vafi á því að Eyþór Jónsson olli mér skaða með allri þeirri hegðun sem í þessu erindi er lýst.“
Samkvæmt heimildum Nútímans hefur siðanefndin ekki tekið málið fyrir en beðið er eftir útskýringum Eyþórs á orðaskiptunum.
Hér fyrir neðan má sjá skjáskotin af orðaskiptum þeirra en búið er að eyða innlegginu úr hópnum.
