Hæstiréttur Bandaríkjanna hefur vísað frá áfrýjunum fimm fylkja sem vildu halda til streitu banni á hjónaböndum samkynhneigðra.
Umrædd fylki eru Indiana, Oklahoma, Utah, Virgina og Wisconsin. Frávísunin hefur strax þau áhrif að fyrirhuguð brúðkaup samkynhneigðra, sem höfðu tafist, komast strax á dagskrá hjá sýslumönnum.
Samkvæmt frétt Huffington Post ættu pör í sex öðrum ríkjum einnig að búa sig undir að njóta sömu mannréttinda og gagnkynhneigðir.
Hjónabönd samkynhneigðra eru nú leyfð í 30 fylkjum Bandaríkjanna og í Columbia (DC).