Verðlag á Íslandi var 64 prósentum hærra en að meðaltali í öðrum Evrópuríkjum á síðasta ári. Þetta þýðir að Ísland er dýrasta land heimsálfunnar en upplýsingarnar koma frá Hagstofu Noregs. Mbl greindi frá þessu í morgun. Sviss er í öðru sæti 59 prósentum yfir meðaltalinu og Noregur í því þriðja, 55 prósent yfir meðaltali.
Ef einungis er horft til landa innan ESB mælist verðlagið hæst í Lúxemburg, um 42 prósentum yfir meðallagi. Norðurlandaþjóðirnar Danmörk, Svíþjóð og Finnland mælast öll yfir meðaltali ESB ríkja.