Íslendingur er í haldi lögreglunnar á höfuðborgarsvæðinu grunaður um að hafa myrt tíu ára gamla dóttur sína. Þetta herma heimildir Nútímans en samkvæmt þeim á maðurinn að hafa orðið henni að bana nálægt Krýsuvík í gær.
Samkvæmt sömu heimildum hringdi maðurinn sjálfur á lögregluna, sagði frá staðsetningu sinni og að hann hafi orðið stúlkunni að bana. Þá á stúlkan að hafa fundist á þeim stað sem maðurinn var handtekinn.
Lögreglan verst allra fregna af málinu. Fréttin verður uppfærð.
Uppfært 11:52 – Tilkynning frá lögreglunni á höfuðborgarsvæðinu
Lögreglan á höfuðborgarsvæðinu er með til rannsóknar andlát stúlku á grunnskólaaldri. Tilkynnt var um málið um kvöldmatarleytið í gær og í kjölfarið var einn handtekinn í tengslum við það. Rannsókn málsins er á frumstigi og ekki verða veittar frekari upplýsingar að svo stöddu.