Hin 77 ára gamla Jackie Page hefur ekki drukkið neitt annað en Pepsi, síðastliðin 64 ár. Jackie drekkur um fjórar dósir af Pepsi á degi hverjum og myndi ekki drekka vatn þó lífið væri undir. Það er breska blaðið Mirror sem greinir frá þessu.
Jackie vill ekki meina að hún sé háð drykknum en frá því að hún hóf neyslu á Pepsi hefurhún drukkið rúmlega 93 þúsund dósir.
„Ég sætti mig ekki við neitt annað en Pespi. Ég myndi aldrei drekka vatn – ekki séns. Ekki einu sinni ef lífið væri undir. Ég vil heldur ekki drekka te eða kaffi,“ Jackie í samtali við Mirror.
Fyrst eftir að hún uppgötvaði drykkinn reyndi móðir hennar að sporna við drykkjunni en án árangurs. „Mamma sagði við mig að ég þyrfti að drekka eitthvað. Mér finnst mjólk og vatn vont.“