Tónlistarkonan Jaguar Wright henti í nokkrar sprengjur í viðtali hjá hinum breska fjölmiðlamanni Piers Morgan en kauði fór af stað með þætti á myndskeiðavefnum YouTube undir nafninu „Uncensored“ sem þýðir „Óritskoðað“ og það var svo sannarlega það sem áhorfendur fengu í gær.
Jaguar Wright er þekkt tónlistarkona í Bandaríkjunum en hún hefur unnið með hljómsveitum og tónlistarmönnum á borð við The Roots og hinn goðsagnakennda rappara Jay-Z. Það var einmitt sá síðarnefndi sem bar upp á góma í þættinum í gær og rúmlega það. Tónlistarkonan var, ásamt fleirum, í viðtali í þættinum sem var sýndur í beinni útsendingu en ræða átti væntanlegt dómsmál bandaríska ríkisins gegn Sean Combs sem er betur þekktur undir nafninu Puff Daddy eða P. Diddy.
Losnar möguleg aldrei úr fangelsi aftur
Diddy er sakaður um að hafa staðið að mansalshring, beitt nauðung, hótað og nauðgað oftar en einu sinni og oftar en tvisvar. Það sem hefur vakið athygli allra þeirra sem fylgjast eitthvað með þessu máli er sú staðreynd að allt fallega fræga fólkið í Hollywood sem mætti í hvert einasta partí rapparans ár eftir ár eftir ár er núna hvergi að sjá. Enginn er að taka upp hanskann fyrir Diddy. Það hefur þótt renna stoðum undir þær ásakanir sem hafa verið lagðar fram gegn þessum forríka rappara og athafnamanni.
Miðað við þær upplýsingar sem liggja fyrir í málinu og fjölmiðlar hafa fjallað um að þá telja bandarísk stjórnvöld sig hafa sannanir fyrir þessum glæpum Diddy og ef rétt reynist, og þeim tekst að sanna þetta á rapparann fyrir dómi, þá mun þessi forríki athafnamaður aldrei losna úr fangelsi.
En Jaguar Wright var ekkert að fela skoðun sína eða þær upplýsingar sem hún telur sig hafa um meinta glæpi Diddy. Jaguar Wright stoppaði reyndar ekki þar heldur dró inn í málið rapparann Jay-Z og eiginkonu hans, eina stærstu stjörnu tónlistarbransans í dag (fyrir utan mögulega Taylor Swift, Beyoncé Knowles. Þú verður að heyra hvað hún sagði – Jaguar Wright er fyrsti viðmælandi Piers Morgan í þessum vinsæla þætti á YouTube sem við birtum hér fyrir neðan.