Jessie J og Channing Tatum stödd á Íslandi

Stjörnuparið Jessie J og Channing Tatum er statt á Íslandi en þau sáust saman á búðarrápi í miðbæ Reykjavíkur í dag. Frá þessu er greint á Vísi en þar segir að parið hafi komið til landsins í gær.

Sjá einnig: Íslensk stúlka sló í gegn á tónleikum Jessie J í Laugardalshöll: „Þetta myndband er ástæðan fyrir því að ég er í þessum bransa”

Jessie J hélt tónleika hér á landi síðasta sumar og hefur greinilega heillast af landinu. Hún og Tatum hafa verið saman síðan á síðasta ári en þau byrjuðu saman stuttu eftir að Tatum og Jenna Dewan, eiginkona hans til níu ára, skildu.