Kanadíska stórstjarnan Justin Bieber er iðinn við að bæta húðflúrum á líkama sinn. Hann hefur þó verið óvenjuduglegur síðustu daga og er búinn að þekja brjóstkassann og kviðinn með flúrum.
Justin Bieber frumsýndi í gær á Instagram nýjasta flúrið, ljón á vinstra brjóstinu. Aðeins nokkrum dögum áður fékk hann sér bjarnartattú á hina hlið brjóstkassans og einnig stóran skallaörn á miðjan kviðinn.
Samkvæmt E! News er Justin Bieber á góðum stað andlega þessa dagana en hann fékk sér nýju húðflúrin á tattústofunni Bang Bang í New York. Stórstjarnan er ennþá að fylgja eftir nýjustu plötu sinni á Purpose tónleikaferðinni.