Justin Bieber var gestur í spjallþætti Ellenar Degeneres í dag og spjallaði meðal annars við hana um myndbandið við lagið I’ll Show You. Myndbandið er tekið upp á Íslandi og hefur vakið mikla athygli.
Sjá einnig: Myndbandið við I’ll Show You
Ellen hvatti fólk til að horfa á myndbandið og sýndi myndir af Bieber ofan í ísköldu Jökulsárlóni. „Þetta var svo kalt,“ sagði Bieber í viðtalinu sem má sjá hér fyrir neðan.
„Þetta er fallegt myndband, ef við viljið horfa á það — það er stórkostlegt,“ sagði Ellen, augljóslega ánægð með okkar mann.
Ellen ræddi einnig við Bieber um myndir sem teknar voru úr launsátri þar sem hann var í fríi á Bora Bora á dögunum. Bieber er nakinn á myndunum sem fóru víða.
„Þetta var ekki eins slæmt og ég bjóst við,“ sagði Bieber og uppskar mikinn fögnuð áhorfenda. „Ég er enginn sérfræðingur en ég heyrði að hann hafi litið vel út,“ bætti Ellen við.
Horfðu á viðtalið hér fyrir neðan.