Katrín Jakobsdóttir forsætisráðherra er í sjötta sæti á lista vefsíðunnar Hottest Heads of State yfir kynþokkafyllstu þjóðarleiðtoga heims. Ekki er vitað til þess að nokkur íslenskur forsætisráðherra hafi komist ofar á listann.
Katrín er ekki fyrsti íslenski forsætisráðherran á listanum en Bjarni Benediktsson komst eftirminnilega í áttunda sæti listans í fyrra. Sigmundur Davíð Gunnlaugsson var hins vegar í 169. sæti listans í valdatíð sinni sem forsætisráðherra Íslands.
Justin Trudeau, forsætisráðherra Kanada, er í efsta sæti listans en kynþokki hans virðist óumdeildur um víða veröld
Jacinda Ardern, forsætisráðherra Nýja-Sjálands er í öðru sæti
Jigme Khesar Namgyel Wangchuck, konungur Bútan, er í þriðja sæti
Katrín er sæti fyrir ofan Emmanuel Macron, forseta Frakklands. Donald Trump, forseti Bandaríkjanna, er í 138. sæti listans og Kim Jong-un, leiðtogi Norður-Kóreu er í 199. sæti listans sem er jafnframt það neðsta.
Sjá einnig: Katrín Jakobs þurfti að flýja trylltan geitung í miðju viðtali við RÚV, sjáðu myndbandið