Kona fer í stríð sópaði að sér verðlaunum á Eddunni

Edduverðlaunahátíðin fór fram með glæsibrag í Austurbæ í kvöld. Íslenska kvikmynda- og sjónvarpsakademían stendur fyrir verðlaununum sem halda upp á tuttugu ára afmæli sitt í ár og veitt eru verðlaun fyrir framúrskarandi árangur í íslensku sjónvarpi og kvikmyndum síðasta árs.

Íslensk kvikmynda og sjónvarpsgerð er á miklu blómaskeiði um þessar mundir og úr stórgóðum kvikmyndum og sjónvarpsefni að velja. Kvikmyndin Kona fer í stríð var sigursælust.

View this post on Instagram

Fylgist með Eddunni í beinni frá kl.20:55! #Eddan

A post shared by RÚV (@ruvgram) on Feb 22, 2019 at 12:55pm PST

Kvikmyndin Kona fer í stríð, í leikstjórn Benedikts Erlingssonar hlaut alls 10 tilnefningar til Edduverðlauna þetta árið og fór heim með jafn margar styttur. Kona fer í stríð hefur farið sigurför um heiminn og hlotið fjöldan allan af verðlaunum út um allan heim og var framlag Íslands til Óskarsverðlaunanna í ár. Meðal verðlauna sem kvikmyndin sópaði að sér var besta kvikmynd ársins, leikstjóri ársins, leikkona ársins og klipping ársins. Kvikmyndin Lof mér að falla, eftir Baldvin Z. fylgdi hlaut næstflest verðlaun en Lof mér að falla vann fern verðlaun úr þeim tólf flokkum sem hún var tilnefnd til.

View this post on Instagram

Þetta var Cannes svo er bara allt venjulegt aftur

A post shared by Halldóra Geirharðstóttir (@dorawonder68) on May 18, 2018 at 2:52pm PDT

Leikarar ársins voru Gísli Örn Garðarsson, fyrir leik sinn í Vargur og Halldóra Geirharðsdóttir fyrir tvöfaldan leik sinn í Kona fer í stríð. Aukaleikarar ársins voru Kristín Þóra Halldórsdóttir, fyrir túlkun sína á Magneu í Lof mér að falla og Þorsteinn Bachmann fyrir hlutverk sitt sem faðir Magneu úr Lof mér að falla. Ræða Kristínar Þóru vakti mikla athygli þar sem hún biðlaði til stjórnvalda í tilfinningaþrunginni ræðunni að „drullast til að gera eitthvað“ í málum fíkla og fíknisjúkra. Þá hlaut Lof mér að falla einnig verðlaun í flokki búninga og gerva sem voru í höndum Evu Völu Guðjónsdóttir og Kristínar Júllu Kristjánsdóttir.

View this post on Instagram

In the role of Magnea in Lof mér að falla/Let me fall directed by Baldvin Z. This story and characters are based on true events. The stories we were told in the research period, by such brave and generous people were absolutly heartbreaking. Magnea will be close to my heart forever. It is safe to say that no role has had such deep effect on me. I am humble over the huge reaction the film has recieved and truly belive it can and will change the perspective so many people have towards Addiction. Members of the parlament are already talking about change in the rehab system. In the end humanity and love is all that counts.

A post shared by Kristín Thora Haraldsdottir (@kristin.haralds) on Dec 12, 2018 at 5:49am PST

Sjónvarpsmaður ársins var Sigríður Halldórsdóttir fyrir fréttaskýringaþáttinn Kveik en Kveikur var valinn frétta- og viðtalsþáttur ársins sem og hlaut verðlaun fyrir sjónvarpsefni ársins.

Heiðursverðlaun kvöldsins voru veitt Agli Eðvarðssyni en Egill er einn reyndustu kvikmynda- og sjónvarpsgerðarmanna landsins. Egill hefur lengst af starfað fyrir Ríkissjónvarpið, m.a. sem upptökustjóri. Egill hefur tæplega fimmtíu ára reynslu en Hlín Jóhannesdóttir formaður ÍKSA, veitti Agli verðlaunin við mikinn fögnuð viðstaddra.

Hér má sjá sigurvegara kvöldsins: