Nýjasta myndin frá Darren Aronofsky, The Whale, er frumsýnd á morgun (e. föstudag) en þar fer hjartaknúsarinn Brendan Fraser með stórleik sem hlotið hefur lof víða um heim. Kvikmyndin hlaut þrjár Óskarstilnefningar á dögunum, í flokki besta leikara, leikkonu í aukahlutverki (Hong Chau) og förðunar.
Aronofsky hefur marga fjöruna sopið sem leikstjóri og handritshöfundur, enda með verðlaunamyndir ultir beltinu á borð við Requiem for a Dream, The Wrestler og Black Swan, svo dæmi séu nefnd, en The Whale er byggð á samnefndu leikriti eftir Samuel D. Hunter, sem skrifar einnig handritið að kvikmyndinni.
Fraser leikur Charlie, feiminn, einangraðan enskukennara sem reynir að endurnýja kynnin við unglingsdóttur sína. Líkamleg heilsa Charlies er fjarri því að vera í toppstandi og gæti hann átt minna eftir en útlit er fyrir. Með önnur hlutverk í myndinni fara Sadie Sink, Ty Simpkins, Samantha Morton og Hong Chau.
LANGAR ÞIG Í BOÐSMIÐA?
Á Facebook síðu Nútímans og í hópnum Bíófíklar er að finna bíógetraunir þar sem lesendum gefst tækifæri til að vinna tvo frímiða á The Whale. Umræddir miðar gilda á meðan myndin er í sýningu.