Kylie Jenner eignaðist stelpu 1. febrúar ásamt Travis Scott kærasta sínum. Þetta staðfestir hún í skilaboðum til aðdáenda sinna á Instagram. Hún var ekki búin að staðfesta að hún væri ólétt og lét lítið fyrir sér fara síðustu níu mánuði.
Kylie segir í skilaboðunum að fallega og heilbrigða stelpan sín hafi komið í heiminn fyrsta febrúar og að hún hafi ekki getað beðið eftir að segja frá því „Meðgangan var það fallegasta, mest valdeflandi upplifun lífs míns og ég mun sakna hennar,“ segir hún. „Ég er þakklát fyrir hvernig vinir mínir og fjölskylda hjálpuðu mér að halda meðgöngunni fyrir mig.“
Kylie fer yfir meðgönguna í myndbandinu sem hún birti á Youtube og þú getur horft á hér fyrir ofan.