Strætó hefur sett af stað leik þar sem að farþegar og aðrir geta spreytt sig á að skreyta Strætó á vefsíðunni Meistaraverk.is. Einn vagn verður svo skreyttur með bestu hugmyndinni.
Leikurinn fór af stað í gær og það eru strax nokkrar klikkaðar komnar fram. Nútíminn telur sig þó vera með bestu hugmyndirnar og þið hljótið að vera sammála.
Hugmynd 1: Dumb and Dumber bíllinn! hver myndi ekki vilja fá far með þessum?
Hugmynd 2: Bandaríska skólarútan er klassík. Svo væri hægt að skapa stemningu í vagninum með því að bróka einhvern. Djók. Ekki bróka neinn í strætó.
Hugmynd 3: Teslan! Allir vilja eiga Teslu en það eiga fæstir efni á henni. Ef Strætó væri eins og Tesla væri allavega hægt að ímynda sér að maður þjóti um göturnar á svakalegasta rafbíl heims.
Hugmynd 4: Sigurhugmyndin að okkar mati. Loftpúðafjöðrun, nýr litur og snúningsfelgur.
