Barna – og fjölskylduhátíðin Kátt á Klambra verður haldin í fjórða sinn sunnudaginn 28. júlí á Klambratúni. Svæðið opnar kl: 11:00 og verður sannkölluð karnival stemmning frameftir degi þar sem fjölskyldur koma saman og gera sér glaðan dag.
Í fréttatilkynningu segir: „Kátt á Klambra er afslöppuð og notaleg hátíð með fjölbreyttri afþreyingu og skemmtilegri dagskrá fyrir alla fjölskylduna. Dagskrá Kátt á Klambra 2019 er glæsileg að vanda og öll fjölskyldan ætti að geta fundið viðburði og smiðjur við hæfi.“
Á hátíðinni koma fram listamenn á borð við Herra Hnetursmjör og Huginn, Gróa, Bjartar Sveiflur, Dj Flugvél og Geimskip, Tónafljóð og Krakkaveldi.
Afþreying í boði: Barnayoga, Föndur, Vöffluskreytingar, Sirkus, Diskótjald, Listasmiðjur, Föndur, Risa sápukúlur, Hjólabrettasvæði, Hugleiðsla, Dans, Risakubbar, Fjársjóðsleit, Raftónlistarsmiðja og Risa slönguspil.
Sérstaða Kátt á Klambra er að börn og fjölskyldur þeirra fá að taka virkan þátt í allskyns viðburðum og listsköpun saman í ævintýralegu og öruggu umhverfi.
Nánari upplýsingar um hátíðina má sjá hér að neðan:
Miðasalan er hafin á tix.is:
Stakir miðar á 1.500 kr
4 manna fjölskyldupakki á 5.000 kr
8 manna fjölskyldupakki á 10.000 kr
Öll afþreying innifalin í miðaverði og matvagnar verða á svæðinu fyrir gesti.
Þetta er aðeins brot af þeirri glæstu dagskrá sem verður í boði á Klambratúni 28. júlí.
Öll börn eru á ábyrgð foreldra og forráðamanna á svæðinu.
ATH Frítt inn fyrir 0-3 ára.