Líf og fjör þegar stjörnurnar steggjuðu Arnar Úlf í gær

Tónlistarmaðurinn Arnar Freyr Frostason var steggjaður í gær en hann og tónlistarkonan Salka Sól Eyfeld munu gifta sig í sumar. Parið trúlofaði sig árið 2017 á Spáni.

Sjá einnig: Fólkið á Twitter segir frá því hvernig það kynntist makanum: „Ég breiddi yfir hana gardínu áður en ég fór. Nú eigum við barn sem að kúkaði í baðið í gær“

Það var mikið fjör í steggjuninni en vinir Arnars voru duglegir að sýna frá deginum á Instagram. Arnar var með pípuhatt og var málaður í framan.

Á meðal þeirra sem tóku þátt í steggjuninni voru Steindi Jr, Aron Einar Gunnarsson, meðlimir Agent Fresco, Emmsjé Gauti, Jón Arnór Stefánsson, JóiPé og Króli, KÁ/AKÁ og fleiri landsþekktir einstaklingar.

Arnar var látinn spila körfubolta gegn Jón Arnóri og Steindi Jr. dæmdi viðureignina. Hópurinn fór í Reykjavík Escape auk þess sem Arnari var stjórnað í bænum. Þá böttluðu Arnar og fjölmiðlamaðurinn Kjartan Atli Kjartansson en báðir eru þekktir fyrir einstaka rapphæfileika.