Lík fannst í fjörunni á Álftanesi um hádegisbilið í dag en samkvæmt lögreglunni var það gangandi vegfarandi sem kom að því en viðkomandi var á göngu meðfram fjörunni en þar er vinsæll göngustígur.
RÚV greindi fyrst frá.
Þá er rætt við Sævar Guðmundsson, aðalvarðstjóra hjá lögreglunni á höfuðborgarsvæðinu, á mbl.is í kvöld en þar segir hann að málið sé ekki rannsakað sem sakamál.
„Við höfum grun um hvaða maður þetta er,“ sagði Sævar en málið er nú til rannsóknar hjá lögreglunni sem vill engar nánari upplýsingar gefa að svo stöddu.