Lögreglan hefur farið fram á gæsluvarðhald yfir tveimur skipverjum sem voru handteknir um borð í grænlenska togaranum Polar Nanoq í gær. Þetta staðfestir Grímur Grímsson, yfirlögregluþjónn sem stýrir rannsókn málsins, á vef RÚV.
Þeir verða leiddir fyrir dómara í Héraðsdómi Reykjaness klukkan hálf tólf og tólf. Farið verður fram á gæsluvarðhald yfir þeim á grundvelli rannsóknarhagsmuna.