Lögreglan í Blackpool á Englandi leitar nú að manni sem talinn er hafa stolið bjórkassa í verslun í borginni. Það sem þykir merkilegt við manninn er að hann er sláandi líkur bandaríska leikaranum David Schwimmer.
Flestir þekkja Schwimmer sem Ross í Friends sjónvarpsþáttum en notendur Facebook voru ekki lengi að benda á líkindin eftir að lögreglan birti mynd af manninum.
Eftir margar ábendingar sá lögreglan engan annan kost en að fullvissa fólk um að þetta væri ekki David Schwimmer. „Við þökkum fyrir skjót svör. Við höfum kannað málið vel og getum fullyrt að David Schwimmer var staddur í Bandaríkjunum þennan dag,“ sagði lögreglan.
Hvað er Ross að brasa?
https://www.facebook.com/BlackpoolPolice/photos/a.382639948432987/2132566913440273/?type=3&theater