Eigendur Gryfjunnar í Veltusundi ráku upp stór augu þegar þeir mættu til vinnu í morgun eftir að í ljós kom að búið var að kúka á glugga verslunarinnar. Erna Margrét Oddsdóttir, eigandi verslunarinnar segir í samtali við Nútímann að starfsmönnum hafi ekki verið skemmt þegar þeir mættu í morgun.
Erna deildi myndum af manninum og þeim glaðningi sem hann skyldi eftir á Instagram-síðu sinni. Hún ætlar þó ekki að aðhafast frekar í málinu. „Við högum ekki hugmynd um hver þetta var en þetta er sá veruleiki sem við búum við hérna í miðbænum,“ segir Erna
Erna segir mjög algengt að fólk æli eða kasti af sér þvagi á útidyrahurð verslunarinnar um helgar en þetta er í fyrsta sinn sem einhver kúkar á hana. „Manni blöskrar bara. Að fólk skuli finnast þetta í lagi. Það er oft búið að míga og æla á hérna en þetta er nýtt,“ segir Erna.
Það var starfsmaður hjá Ernu sem fékk það verkefni að þrífa upp saurinn í morgun. „Hann þurfti að fara með margar fötur af vatni á þetta áður en hann gat byrjað að þrífa. Hann fær vegleg verðlaun,“ segir Erna að lokum.
Erna deildi þessum myndum á Instagram
https://www.instagram.com/p/BjSKBPjAaZt/?hl=en&taken-by=ernamagga
https://www.instagram.com/p/BjR55teARrA/?hl=en&taken-by=ernamagga