Maðurinn sem stunginn var í Neskaupstað í nótt er mikið særður en líðan hans er þó stöðug. Málið er rannsakað sem stórfelld líkamsárás. Þetta kemur fram á vef RÚV.
Sjá einnig:Einstaklingur í haldi lögreglu eftir hnífstungu í heimahúsi á Neskaupstað
Lögreglan á Austurlandi er með einstakling í haldi eftir hnífstunguna. Gert er ráð fyrir því að hann verði yfirheyrður síðar í dag og ákvörðun um næstu skref verði svo tekin. Aðrir liggja ekki undir grun. Von er á aðstoð frá tæknideild Lögreglunnar á höfuðborgarsvæðinu.