Miðasala á leik Íslands og Hollands í undankeppni Evrópumóts karla í fótbolta hófst klukkan 12 í dag. Miðasalan fer fram á vefsíðunni Midi.is sem lá niðri í klukkutíma eftir að miðasalan hófst.
Leikurinn fer fram á Laugardalsvelli mánudaginn 13. október. Holland vann til bronsverðlauna á heimsmeistaramótinu í Brasilíu í sumar þannig að ljóst er að spennan fyrir leiknum er gríðarleg.
Miðaverð í forsölu er frá 2.500 til 5.500 krónum.
Meira: Engin nætursala á leikinn gegn Hollandi
Nútíminn fylgdist með:
Kl. 12.57: Klukkutíma eftir að miðasalan hófst er Miði.is komin aftur í gang.
Kl. 12.42: Fyrstu viðbrögð eru komin frá KSÍ á Facebook-síðu sambandsins:
„Við vitum af vandamálinu og skiljum ergelsið mjög vel. Vonandi tekst midi.is mönnum að lagfæra kerfið og koma því í gang aftur sem allra fyrst.“
Kl. 12.39: Þetta er orðið vandræðalegt fyrir Miða.is — KSÍ fær uppreist æru. Eða allt að því.
,,I told you so,“ – Þórir Hákonarson næst þegar hann kemur í viðtal útaf miðamálum.
— Hafliði Breiðfjörð (@haflidib) September 18, 2014
Kl. 12.33: Miði.is liggur ennþá niðri. Eftir miðasöluklúðrið fyrir leikinn gegn Króatíu sagði starfsmaður Miði.is í samtali við Fótbolti.net að þær útskýringar KSÍ að kerfi síðunnar höndli mikla eftirspurn ekki standast skoðun. Kl. 12.29: Hafliði Breiðfjörð bendir á áhugaverðan punkt.
Miði.is 2013: Sölukerfi Miði.is er sett upp til að þola gríðarlegt álag… http://t.co/3KighUkPKY — Hafliði Breiðfjörð (@haflidib) September 18, 2014
Kl. 12.22: Miði.is er enn niðri og á Twitter eru menn ekki sáttir
Kaupi mér þá bara miða í staðinn á eitthvað rúnk með Fróðmari í staðinn #midipunkturis #einmitt — Oli Jones (@HerraJones) September 18, 2014
Ég er bara farinn að halda að það hafi verið meistaraverk að hafa selt þessa Króatíu miða um hánótt. — Ingimar H. Finnsson (@ingimarh) September 18, 2014
Hvernig væri bara að selja þessa miða á nóttunni? #enginnsegir — Magnús Sigurbjörns (@sigurbjornsson) September 18, 2014
Bland.is heldur enn velli og hefur ekki hrunið. #TeamBland — Axel Helgi Ívarsson (@AxelHelgi) September 18, 2014