Fólk sem á ekki einu sinni geislaspilara hefur hópast út til að kaupa nýja plötu rapparans Gísla Pálma í dag.
Rapparinn Gísli Pálmi sendi frá sér sína fyrstu plötu í dag. Platan er gefin út í samstarfi við Smekkleysu og í verslun útgáfunnar hafa menn mokað plötunni út í allan dag og á Twitter er varla talað um annað.
Sjá einnig: Nýtt myndband frá Gísla Pálma
Ásmundur Jónsson hjá Smekkleysu segir að fólk hafi komið í verslunina í allan dag og keypt plötuna.
Ég hef ekki upplifað svona stemningu í gríðarlega langan tíma — ég veit ekki síðan hvenær, þrátt fyrir langa starfsævi í þessum í bransa.
Hann segir að hópurinn sem kaupir plötuna sé mjög breiður þó að ungt fólk sé í meirihluta. Geisladiskurinn hefur barist fyrir lífi sínu síðustu misseri og Ásmundur segir nokkra sem keyptu plötuna hafa grínast með að þurfa að leita sér að geislaspilara.
Tístarar hafa lent í sömu vandræðum.
Komin með GP diskinn eftir langa bið… er ekki með geisladiskadrif á vinnutölvunni… pic.twitter.com/IMVqBfQ5PN
— Sunna Ben (@SunnaBen) April 16, 2015
Þegar þú kaupir GP á geisladisk og áttar þig á að þú getur ekki spilað hann.
— $₩€€₸ ₦₳ldo (@ArnaldurG) April 16, 2015
Svo virðist sem samfélagsmiðlar á borð við Twitter hafi hjálpað til við kynningu á plötunni en hún hefur til að mynda ekki mikið verið auglýst.
„Hann er búinn að vera að byggja upp sterk fylgi á undanförnum misserum,“ segir Ásmundur.
„Það er frábær stemning á tónleikum hjá honum og hann er að tengja sterkt við ákveðna kynslóð.“