Söngvarinn Morrissey hefur greinst með krabbamein. Síðasta eina og hálfa árið hefur hann nokkrum sinnum verið við lagður inn á spítala þar sem læknar hafa reynt að losa hann við meinið. Hann segist ekki óttast dauðann.
Morrissey er orðinn 55 ára gamall. Hann hefur ekki upplýst hvers konar krabbamein um ræðir en segir í viðtali í spænska dagblaðinu El Mundo að læknar hafi fjórum sinnum reynt að losa hann við krabbameinssýkta líkamsvefi.
En hvað um það. Ef ég dey, þá dey ég. Og ef það gerist ekki þá gerist það ekki.
Fjölmargar fréttir hafa verið birtar af heilsufari Morrissey undanfarið og hefur hann því oftar en ekki þurft að aflýsa tónleikum. „Mér líður vel núna. Ég er meðvitaður um að ég lít ekki vel út á nýjum myndum en veikindin hafa valdið því. Ég ætla ekki að hafa áhyggjur af því. Ég hvíli mig þegar ég dey.“
Hlustum á eitt með karlinum: