Tugum nektarmynda af Tiger Woods og fyrrverandi kærustunni hans Londsey Vonn, Miley Cyrus, Kristen Stewart og fleira frægu fólki hefur verið rænt og lekið á klámsíðu á internetinu.
Sjá einnig: Jennifer Lawrence um nektarmyndirnar: Ekki skandall heldur kynferðisglæpur
Lögmenn vinna nú hörðum höndum að því að láta fjarlægja myndirnar af vefsíðunni Celeb Jihad en búið er að afrita myndirnar og dreifa þeim um internetið.
Málið minnir á svipað mál frá árinu 2014 en þá var leikkonan Jennifer Lawrence á meðal brotaþola ofbeldisins. Hún sagði í viðtali við Vanity Fair á sínum tíma að um kynferðisglæpi væri að ræða en lögregla gómaði manninn sem bar ábyrgð á lekanum og var hann dæmdur í 18 mánaða fangelsi.
Hann braust inn í Gmail- og iCloud-aðganga fólksins en í þetta skipti var brotist inn í síma.