Nökkvi Fjalar Orrason, einn af stofnendum Áttunnar, hefur ákveðið að stíga til hliðar úr daglegum rekstri fyrirtækisins. Hann segir ástæðuna vera nýtt og spennandi verkefni sem hann er að taka að sér á næstunni. Þetta kemur fram á Vísi.is.
Sjá einnig: Húðflúraði nafn Sunnevu Einars á sig: „Ég er í áfalli sko“
Nökkvi segir á Vísi að ekkert hafi komið upp á á milli hans og hinna rekstraraðilanna, hann og Egill Ploder séu enn góðir vinir. Áttan verður nú í höndum þeirra Arnars Þórs Ólafssonar, Egils Ploder og Orra Einarssonar. Nökkvi kveður Áttuna stoltur af þeim árangri sem hefur náðst og segist ánægður með þá stefnu sem fyrirtækið er á.
Í gær tilkynnti Áttan sumardagskrána sína en töluvert er um nýjungar hjá miðlinum. Einnig var tilkynnt um endurkomu Sonju Valdin í Áttuna.