Robin Thicke reynir að næla aftur í konuna sína á nýjustu plötu sinni sem kallast einfaldlega Paula. Salan á plötunni hefur farið hræðilega af stað en aðeins 530 eintök seldust í útgáfuvikunni í Bretlandi.
Til að strá salti í sárið seldust færri en 54 eintök í Ástralíu. Þar komst platan ekki inn á ástralska listann en platan sem er í sæti númer 500, safnplata með Blondie, seldist í 54 eintökum. Til samanburðar þá fór síðasta plata hans, hin umdeilda Blurred Lines, í fjórða sæti listans og samefndur smellur í fyrsta sæti lagalistans.
Loks seldist Paula aðeins í 24.000 eintökum í Bandaríkjunum í útgáfuvikunni, samanborið við Blurred Lines, sem seldist í 117.000 eintökum í útgáfuvikunni.
Robin Thicke hefur átt betri daga. Fyrriverandi eiginkonan lítur ekki við honum og Kkynningarherferðin #AskThicke á Twitter sprakk í andlitið á honum þegar fólk byrjaði að nota hashtaggið til að gagnrýna hann fyrir boðskap lagsins Blurred Lines.