Tökur á þriðju seríu sjónvarpsþáttanna Atvinnumennirnir okkar eru hafnar en Auðunn Blöndal tilkynnti í gær þrjá nýja atvinnumenn sem verða hluti af séríunni. Þetta eru þau Ólafía Þórunn Kristinsdóttir, Rúrik Gíslason og Sunna Rannveig Davíðsdóttir.
Þau bætast við flottan hóp atvinnumanna en fyrstu þrír gestirinir eru Halldór Helgason, snjóbrettakappi, Katrín Tanja Davíðsdóttir, Crossfit stjarna og Martin Hermannsson, körfuboltaleikmaður. Auðunn hefur nú þegar heimsótt Halldór og Martin.
Ólafía Þórunn Kristinsdóttir er atvinnu kylfingur, Rúrik Gíslason er atvinnumaður í knattspyrnu og Sunna Rannveig Davíðsdóttir er atvinnumaður í blandaðri bardagalist.
Kynjahlutföll í þáttunum eru því jöfn í ár og þá er þetta í fyrsta sinn sem Auðunn heimsækir einungis einn íþróttamann úr hverri íþrótt. Þættirnir verða á dagskrá Stöðvar 2 næsta vor.
@olafiakri @GislasonRurik og @sunnatsunami öll staðfest! Án ef fjölbreyttasta serían hingað til og lofum þrusu þáttum í vor! #Atvinnumennirnirokkar
— Auðunn Blöndal (@Auddib) December 10, 2018