Bandaríska leikkonan Pamela Anderson hefur sakað Scott Morrison, forsætisráðherra Ástralíu um kynferðislegar aðdróttanir. Pamela birti opið bréf til Scott á heimasíðu sinni sem lesa má í heild sinni hér.
Pamela segir Scott hafa verið með klámfengnar athugasemdir í sinn garð eftir að hún bað hann um að hjálpa Julian Assange, stofnanda Wikileaks.
Pamela hefur lengi verið stuðningsmaður Assange en hún bað Scott um að hjálpa Assange að komast aftur til Ástralíu. Beiðni sem var hafnað. „Þú gerðir lítið úr og hlóst að þjáningu Ástrala og fjölskyldu hans. Þú fylgdir því svo eftir með klámfengnum, óþörfum athugasemdum um konu sem tjáði pólitíska skoðun sína,“ skrifar Pamela í bréfinu.