Fjórir rafmagnsvagnar voru teknir í notkun hjá Strætó í Reykjavík í byrjun apríl og fimm nýir verða teknir í notkun í ágúst. Jóhannes Svavar Rúnarsson, framkvæmdastjóri Strætó segir að hingað til hafi gengið ótrúlega vel í samtali við RÚV.
Hann segir að ekkert hafi komið upp á á fyrstu fjórum mánuðum þeirra í notkun og til standi nú að nota þá meir og meir. Vagnarnir fimm sem komu í síðustu viku séu nú í undirbúningi og megi búast við þeim á götuna einhvern tímann í byrjun ágúst.
„Svo kemur restin vonandi í lok þessa árs og þá er þetta orðið ansi gott hlutfall af strætóflotanum,“ segir Jóhannes við RÚV.
Ein hraðhleðslustöð er komin til landsins og til stendur að bæta við þremur öðrum. Á næstunni verður skoðað hvar sé best að koma þeim upp.
Viðskiptavinir strætó virðast einnig ánægðir með nýju vagnana. Una Hildardóttir, varaþingmaður Vinstri grænna, lýsir upplifun sinni af rafmagnsvagni þannig að það sé einhverskonar blanda af því að upplifa framtíðina og að nota almenningssamgöngur í útlöndum í fyrsta sinni.
Er í rafmagnsstrætó @straetobs í fyrsta sinn og o boy þvílík upplifun. Þetta er einhversskonar blanda af því að upplifa framtíðina og að nota almenningssamgöngur í útlöndum í fyrsta sinn. ÞAÐ ER HÆGT AÐ HLAÐA SÍMANN SINN HÉRNA.
— Una Hildardóttir (@unaballuna) July 31, 2018
Það er svo fáránlega mikill munur á að líða mjúklega áfram í rafmagnsstrætó? vs að hristast í sundur í 100 ára gömlum strætó sem er svo lélegur að það ætti ekki einu sinni að selja hann í parta.
— Tinna, öfgafemínisti ? (@tinnaharalds) July 23, 2018
Beið eftir leið 11. Sá að leið 3 væri rafmagnstrætó. Tók leið 3. #RafmagnsStrætó
— Lóa Irpa (@loairpa) May 31, 2018