Kanadíski rapparinn Jon James McMurray lét lífið um síðustu helgi þegar hann hrapaði af flugvél við tökur á nýju tónlistarmyndbandi. Rapparinn var þekktur fyrir að leika djörf áhættuatriði í tónlistarmyndböndum sínum.
McMurray hugðist ganga um á væng lítillar flugvélar á meðan kvikmyndatökumenn tækju gjörninginn upp úr annarri flugvél. Í tilkynningu segir að flugmaður vélarinnar, sem McMurray gekk út á, hafi misst stjórn á henni þegar rapparinn fikraði sig út á vænginn.
Rapparinn hélt í vænginn og þegar hann missti takið hafði hann ekki tíma til þess að virkja fallhlíf sína. Hann lést samstundis. Lík hans fannst á akri í Westworld í Kanada en flugmanninum tókst rétta flugvélina við og lenda henni. Samgönguyfirvöld í Kanada rannsaka nú tildrög slyssins.
Jon James birti fyrr í mánuðinum myndband þar sem hann stundar fallhlífarstökk. Árið 2015 gaf hann út tónlistarmyndband við lagið HELLO þar sem hann rappar lagið í fallhlífarstökki.