Breski grínistinn Ricky Gervais er á leiðinni til landsins í einkaþotu. Ricky birti rétt í þessu mynd af sjálfum sér í einkaþotu sinni og boðaði komu sína: „Ísland, ég er á leiðinni!“
Iceland!
I'm on my way! @IheartReykjavik #Humanity pic.twitter.com/PGrg5KVRYZ— Ricky Gervais (@rickygervais) April 19, 2017
Ricky Gervais verður með uppistand í Hörpu á morgun, fimmtudag og á föstudaginn. Uppselt er á báðar sýningarnar en miðarnir seldust upp aðeins nokkrum mínutum eftir að þeir fóru í sölu.
„Greinilegt er að Ricky Gervais er gríðarlega vinsæll á Íslandi því þrátt fyrir að nú sé búið að pakkfylla tvær Eldborgir þurftu ansi margir frá að hverfa miðalausir,“ sagði í tilkynningu frá Senu Live eftir að það seldist upp á sýningarnar.