Ríkissáttasemjari hefur sett samninganefndir sjómanna og Samtaka fyrirtækja í sjávarútvegi í fjölmiðlabann.
Sáttafundur fór fram í kjaradeilu sjómanna í dag og var honum slitið þegar hann hafði staðið yfir í einn og hálfan tíma. Engin niðurstaða var af fundinum.
Einn og hálfur mánuður er liðinn frá því að sjómenn lögðu niður störf og íslenski flotinn sigldi til hafnar.
Þann 23. janúar slitnaði upp úr viðræðum samninganefndanna. Samkvæmt lögum ber ríkissáttasemjara að boða til sáttafundar innan tveggja vikna frá viðræðuslitum.