Það mun kosta pening að nota klósettin í Hörpu í sumar. Um er að ræða tímabundna ráðstöfun yfir sumarið líkt og var gert síðasta sumar. Aðgangur að salerni á neðstu hæð Hörpu mun kosta 250 krónur fram í ágúst.
Í fréttatilkynningu frá Hörpu í dag segir að þetta sé gert til þess að tryggja góða ásýnd. Mikill fjöldi erlendra ferðamanna heimsæki húsið og þá sérstaklega yfir sumartímann.
„Harpa er einn fjölsóttasti ferðamannastaður í Reykjavík. Til að tryggja góða ásynd Hörpu og mæta kostnaði verður líkt og áður tekið óhoflegt gjald eða 250 kr. fyrir afnot af snyrtingum á bílakjallarahæð,” segir í tilkynningunni.
Allir gestir á viðburði og veitingastaði í Hörpu geta nýtt sér salernin gjaldfrjálst. Verðið var 300 krónur yfir sumartímann í fyrra og hefur því lækkað um 50 krónur á milli ára.