Leikarinn Ryan Reynolds var gestur í spjallþætti Jimmy Fallon í gær. Þar fóru þeir í leik þar sem þeir blönduðu nýju gini Reynolds við ýmislegt misgáfulegt.
Reynolds og Fallon létu skífu falla niður vegg í átt að glösum sem voru með mismunandi innihald. Innihald glassins sem skífan lenti í var svo blandað við Aviation gin Ryan Reynolds.
Leikurinn byrjaði rólega og Reynolds drakk fyrst Twinkies og greip-gos í bland við ginið. Fallon drakk svo greip-gos og piparrót ginkokteil.
Í lokaumferðinni færðist fjör í leikinn en þá vildi Reynolds greinilega fá erfiðari áskorun. Hann bauðst sjálfviljugur til þess að blanda blóði, beinasoði, eggjum og beikoni við ginið sitt. Ryan var smá stund að jafna sig eftir drykkinn en ginið hjálpaði til.