Söngvarinn Robin Bengtsson, sem flytur framlag Svíþjóðar í Eurovision í Úkraínu í næstu viku, bað um hönd Jennie Salte, kærustunnar sinnar, á Íslandi í mars. Robin var staddur hér á landi í fríi en hann og Jennie trúlofuðu sig í Bláa lóninu.
Hún birti í kjölfarið þessa mynd á Instagram: „Hann bað mín í Bláa lóninu og ég sagði já! Besta ferðalag allra tíma!“ sagði hún
Robin er 26 ára gamall og flytur lagið I Can’t Go On í Eurovision. Hann birti meðal annars þessa mynd af ferðalagi sínu til Íslands í mars
https://www.instagram.com/p/BSHGhWeAfRR/?taken-by=robinbengtssons
Í færslu með annarri mynd á Instagram sagði hann að Ísland væri hreint út sagt ótrúlegt.