Sautján ára ökumaður var tekinn á 175-180 kílómetra hraða í Ártúnsbrekku í gærkvöldi. Pilturinn var sviptur ökuréttindum. Það er Vísir.is sem greinir frá þessu.
Fram kemur í dagbók lögreglu að faðir drengsins var mættur á lögreglustöðina þegar sviptingin fór fram. Þá var tilkynning vegna málsins send til Barnaverndar.
Lögregla þurfti einnig að hafa afskipti af þremur einstaklingum sem voru á ferð í Breiðholti seint í nótt. Ökumaður bíls þeirra er grunaður um akstur undir áhrifum fíkniefna og vörslu slíkra efna. Þrír farþegar í bílnum voru yngri en átján ára og eru þeir einnig grunaðir um vörslu fíkniefna.