Sigmundur Davíð Gunnlaugsson, þingmaður Miðflokksins, segir frá því í færslu á Facebook dag að hann hafi skellt sér á tónleika í Hörpu í gærkvöldi. Tónleikarnir voru með pólsku hljómsveitinni Kúlt sem Sigmundur segir vera pólsk útgáfa af Sálinni hans Jóns míns.
„Það á víst ekki að halda skemmtanir nú á 10 ára afmæli bankahrunsins. Í gærkvöldi fór ég þó á tónleika í Hörpu með pólsku hljómsveitinni Kúlt,“ skrifar Sigmundur sem virðist hafa skemmt sér konunglega.
Hann segir skemmtilegt að vera með góðum hópi Pólverja á þessum tímamótum. „Þegar bankarnir féllu og við Íslendingar komumst að því að við áttum færri trausta vini en við héldum stigu Pólverjar fram (ásamt Færeyingum), buðust til að lána okkur peninga og tóku sérstaklega fram að það væri ekki háð neinum skilyrðum frá ESB eða AGS um Icesave eða annað. Við gleymum ekki þeim sem standa með okkur þegar að okkur er sótt,“ skrifar Sigmundur.
Færsla Sigmundar
Það á víst ekki að halda skemmtanir nú á 10 ára afmæli bankahrunsins. Í gærkvöldi fór ég þó á tónleika í Hörpu með…
Posted by Sigmundur Davíð Gunnlaugsson on Mánudagur, 1. október 2018