Sigmundur Davíð Gunnlaugsson þingmaður Framsóknarflokksins og fyrrverandi forsætisráðherra er hættur í Framsóknarflokknum og mun ganga til liðs við nýjan flokk fyrir komandi kosningar. Sigmundur greinir frá þessu í opnu bréfi til Framsóknarmanna á vefsíðu sinni.
Sigmundur segir að stjórnmál á Ísland og víðar séu nú að taka stakkaskiptum, á sama tíma og Ísland standi frammi fyrir meiri tækifærum en nokkru sinni áður.
Nýtt framboð Sigmundar hefur ekki fengið nafn en hann hvetur alla sem vilja taka þátt í starfi nýja flokksins að senda sér tölvupóst. „Ég hvet þá sem vilja taka þátt í því starfinu á einhvern hátt, Framsóknarmenn og aðra, til að senda tölvupóst á frambod2017@gmail.com“