Sigrún Magnúsdóttir, umhverfis- og auðlindaráðherra, er á meðal hraustastari þingmanna Framsóknarflokksins — ef ekki sá hraustasti. Þetta kom fram í umfjöllun um Sigrúnu í Íslandi í dag í kvöld.
Sigrún var í viðtali í Íslandi í dag í kvöld. Þar var meðal annars rætt við Jóhönnu Maríu Sigmundsdóttur sem sagði að Sigrún hafi komið best út þegar þingmenn voru sendir í sérstaka lífsstílsmælingu:
Það er ekki langt síðan við vorum send í svona lífsstílsmælingu í vinnunni til þess að athuga hvernig við vorum á okkur komin. Fólk kom alveg bugað út nema Sigrún, enda kom hún allra best út úr mælingunni.
Sigrún verður sjötug í ár og stundar að eigin sögn ekki leikfimi og hefur aldrei gert. Hún segist hins vegar synda.
Það má þó velta fyrir sér hvort Haraldur Einarsson, einn af yngri þingmönnum Framsóknar hafi verið mældur, en hann er oft nefndur fljótasti þingmaður landsins. Hann er spretthlaupari og unnið til margra verðlauna síðustu ár.