Singapore Airlines er besta flugfélag í heimi samkvæmt lista Skytrax World Airline-verðlaunanna en þau eru eins og Óskarsverðlaunin nema fyrir flugiðnaðinn. Icelandair er í 87. sæta yfir 100 bestu flugfélög í heimi og WOW Air sjöunda besta lággjaldaflugfélag Evrópu árið 2018.
Í umfjöllun Vogue segir að Singapore Airlines vinni að hluta til vegna svítanna sem flugfélagið býður farþegum sínum upp á í nýju AirBus flugvélunum sínum.
Svítur með hjónarúmi, fataskáp, matarborði og flatskjá með skemmtanakerfi eru í boði á fyrsta farrými.
Almenna farrýmið er heldur ekkert slor en þar fylgir fótskemill og höfuðpúði með hverju sæti sem og skemmtanakerfi.
Flugfélagið býður einnig upp á þjónustuna „Book the Cook“ þar sem farðþegar geta pantað mat sem þeir fá í fluginu sínu með sólarhringsfyrirvara. Í boði eru fjölbreyttir réttir á borð við nautalund í pekanhnetuskorpu en sumir réttanna eru eldaðir af bestu kokkum í heimi.
Lobster Thermidor er einn af réttunum sem hægt er að fá um borð í flugvélum Singapore Airlines
Quatar Airways var annað besta flugfélagið og ANA All Nippon Airways, stærsta flugfélag Japans var í þriðja sæti. Íslensku flugfélögin Icelandair og WOW Air voru einnig á listum Skytrax en Icelandair var í 87. sæti af 100 á lista Skytrax yfir bestu flugfélög í heimi.
WOW Air var í sjöunda sæti af tíu yfir bestu lággjaldaflugfélög í Evrópu árið 2018 en Norwegian þótti það besta, EasyJet var í öðru sæti og Eurowings í því þriðja.
Lista Skytrax má sjá í heild sinni hér og lista yfir lággjaldaflugfelögin má sjá hér.