Lögreglan á höfuðborgarsvæðinu fékk tilkynningu um innbrot og þjófnað úr geymslu í hverfi 105 í Reykjavík í nótt en samkvæmt upplýsingum úr dagbók lögreglunnar var skotvopni stolið í umræddu innbroti. Ekki fylgja frekari upplýsingar um málið en 84 verkefni voru skráð í LÖKE-kerfi embættisins frá 17:00 í gær til 05:00 í morgun.
Það var ekki eini þjófnaðurinn sem var tilkynntur til lögreglu því samkvæmt dagbókinni var töluvert um innbrot þessa aðfaranótt þriðjudags. Um er að ræða bæði þjófnaði í verslunum og innbrot í íbúðarhúsnæði á höfuðborgarsvæðinu. Hér fyrir neðan má sjá verkefni lögreglunnar á höfuðborgarsvæðinu skipt niður eftir hverfum.
Lögreglustöð 1 – Austurbær- Miðbær-Vesturbær-Seljarnarnes:
Tilkynnt um innbrot og þjófnað úr Kirkju í hverfi 107, gerandi ókunnur
Tilkynnt um þjófnað úr verslun í hverfi 108, afgreitt á vettvangi með vettvangsformi
Ökumaður stöðvaður við akstur í hverfi 101, sviptur ökuréttindum, afgreitt á vettvangi með vettvangsformi
Tilkynnt innbrot og þjófnað í hverfi 101, þar var stoðil töluverðu magni af verkfærum, gerandi ókunnur
Ökumaður stöðvaður við akstur í hverfi 101grunaður um akstur undir áhrifum fíkniefna, laus að lokinni blóðsýnatöku
Tilkynnt um þjófnað úr verslun í hverfi 105, afgreitt á vettvangi með vettvangsformi
Tilkynnt um þjófnað úr verslun í hverfi 101, afgreitt á vettvangi með vettvangsformi
Tilkynnt innbrot og þjófnað úr geymslu í hverfi 105, þaðan var stolið skotvopni, gerandi ókunnur
Lögreglustöð 2 – Hafnarfjörður- Garðabær- Álftanes:
Tilkynnt um mann sofandi í húsbíl í hverfi 220, bílinn hafði verið ólæstur og maðurinn lagðist til svefns, honum vísað á brott
Tilkynnt um lausan hund í hverfi 210, haft samband við eiganda og sótti hann hundinn
Lögreglustöð 3 – Kópavogur- Breiðholt:
Ökumaður stöðvaður við akstur í hverfi 109 grunaður um akstur undir áhrifum fíkniefna, laus að lokinni blóðsýnatöku
Ökumaður stöðvaður í hverfi 109 fyrir of hraðan akstur 72 kmh þar sem hámarkshraði er 30 kmh á hann von á að vera sviptur ökuréttindum
Lögreglustöð 4 – Grafarvogur- Mosfellsbær- Árbær:
Ekkert fréttnæmt