Kosningamyndband Sjálfstæðisflokksins á Seltjarnarnesi spyr fleiri spurninga en það svarar. Á yfirborðinu virðist um strangheiðarlega upptöku á óhappi oddvitans og bæjarstjórans Ásgerðar Halldórsdóttur að ræða en mjög alvarleg og alls ekki óvísindaleg rannsókn Nútímans virðist leiða annað í ljós.
Byrjum á að skoða myndbandið
Er Ásgerður óheppnisti frambjóðandi landsins? Eða er myndbandið sviðsett í þeim tilgangi að fá meira áhorf og plata ginkeypta fréttamiðla til að birta færslur sem þessar? Skoðum málið.
Í fyrsta lagi þá er augljóst að ekki er um „fyrstu tökuna“ að ræða, eins og fullyrt er í færslu með myndbandinu. „Fyrsta takan var of góð til að birta ekki,“ segir í færslu með myndbandinu og kjósendur taka vel í uppátækið: Áhorfin eru komin yfir 11 þúsund og lækin yfir 100.
En eins og þessi mynd sýnir er klippt á myndandið skömmu áður en Ásgerður dettur í sjóinn
Hún er í blautbúningi!
Eða þurrbúningi. Takið eftir buxunum. Þetta fæst ekki í tískuvöruverslunum. Ásgerður er tilbúin til að fara í sjóinn.
Fallið er ekki trúverðugt
Skoðið það aftur. Hún er hikandi áður en hún dettur og virðist stíga viljandi út fyrir bryggjuna. Og fallið er sýnt hægt. Kommon.
Niðurstaða þessarar rannsóknar Nútímans er skýr: Myndbandið er sviðsett.