Caitlyn Jenner kynnti sig fyrir heiminum fyrr í þessum mánuði með eftirminnilegri forsíðu á tímaritinu Vanity Fair. Jenner kom út sem transkona í apríl eftir að fjölmiðlar höfðu velt málinu fyrir sér í nokkra mánuði.
Það vakti þó mikla athygli að handritshöfundar Family Guy virtust vita af þessu fyrir nokkrum árum.
Skömmu eftir að Jenner birtist á forsíðu Vanity Fair fór brot úr Family Guy frá árinu 2009 í dreifingu þar sem Stewie segir að Bruce Jenner sé fáguð, falleg hollensk kona. Myndbandið má sjá hér fyrir neðan. Í öðrum þætti sést Jenner dansa kvenlega.
Sjá einnig: Heimurinn fær að kynnast Caitlyn Jenner
Seth MacFarlane, skapari Family Guy, var loksins spurður út í málið á blaðamannafundi fyrir gamanmyndina Ted 2 á dögunum. Hann sagðist vera of klár til að láta hafa nokkuð eftir sér um málið.
Þegar brjálæðisbransinn leggur niður störf skal ég eiga gott samtal um málið. Ég styð hana í þessu en það er engin leið að tjá sig um þetta. Hvað sem ég segi getur og verður notað gegn mér.
https://www.youtube.com/watch?v=4BE18ac3zY4