Svona er að vera ógæfukona.
– Marta María Jónasdóttir í innslagi á Mbl.is.
Í yfirlýsingu frá stjórn Raddarinnar – baráttusamtaka fyrir réttindum utangarðsfólks, kemur fram að myndbandið sé meiðandi fyrir þá sem orðið hafa utangarðs sökum fíknar og/eða geðsjúkdóma. Þá segir Alma Rut Lindudóttir, formaður Raddarinnar, í samtali við DV að myndbandið gefi ranga mynd.
Ásdís Sigurðardóttir var heimilislaus í fjögur ár og sagði frá reynslu sinni á opnun fundi um mannréttindi útigangsfólks í desember árið 2011. Hún sagðist meðal annars hafa haft samneyti við karla í skiptum fyrir skjól og áfengi. Þá svaf hún á bekk í Húsdýragarðinum, á Klambratúni og inni á salerni á Hlemmi.
Það má því slá því föstu að líf ógæfukvenna eigi lítið skylt við myndband Mörtu Maríu.