Tónlistarmaðurinn og leikarinn Sigurbjartur Sturla Atlason, sem er betur þekktur sem Sturla Atlas, er trúlofaður unnustu sinni Steinunni Arinbjarnardóttur leiklistanema. Hann greindi frá trúlofuninni á Instagram-síðu sinni í gærkvöldi.
Sturla Atlas hefur verið áberandi í hip hop-senunni hér á landi undanfarin ár og sló í gegn með laginu San Francisco árið 2015. Hann hefur gefið út plöturnar Love Hurts, These Days, SEASON2 og 101 Nights. Hann útskrifaðist einnig af leikarabraut Listaháskóla Íslands árið 2016.