Starfsfólk fjármálaráðuneytisins og embættis landlæknis fengu frí eftir hádegi í dag vegna veðurs. Sólin skín á höfuðborgarsvæðinu og því var ákveðið að starsfólkið þyrfti ekki að vinna allan daginn eins og venjulega. Þetta kemur fram á mbl.is.
Ekki gildir það sama um öll ráðuneytin því starfsfólk mennta- og menningarmálaráðuneytisins, utanríkisráðuneytisins og atvinnu- og nýsköpunarráðuneytisins fengu ekki frí í dag. Engar upplýsingar um sólarfríið er að finna á heimasíðum fjármálaráðuneytisins og embættis landslæknis.