Áhrifavaldurinn Sunneva Einarsdóttir hitti söng- og leikkonuna Jennifer Lopez í Las Vegas á dögunum. Hún fékk að sjálfsögðu mynd af sér með dívunni og sagði í færslu með myndinni að hún kæmist hreinlega ekki yfir hversu fullkominn Jennifer Lopez er.
Sunneva er stödd í Las Vegas á vegum snyrtivörumerkisins Inglot. Jennifer Lopez hannaði snyrtivörulínu í samstarfi við fyrirtækið sem er væntanleg á markað. Sunneva nýtur gríðarlegra vinsælda á samfélagsmiðlum og er með rúmlega 28 þúsund fylgjendur á Instagram.
Sjá einnig: Vinsælu stelpurnar á Instagram leggja metnað í myndirnar: Allt brjálað ef engin mynd kæmi í tvær vikur
„Ekki nóg með að ég fékk að sjá þessa ótrúlegu konu troða upp í Vegas, þá fékk ég líka að hitta hana og skemmta mér með henni, þar sem við fögnuðum nýju línunni frá Inglot,“ segir Sunneva á Instagram. „Hún er svo blíð og mikil hvatning.“